المدارس والمناعة – دليلك كأم علشان تحمي طفلك من العدوى

مع بداية موسم المدارس، بتبدأ الأمهات رحلة جديدة مش بس مع الدروس والواجبات، لكن كمان مع الخوف من العدوى ونزلات البرد
والتعب المستمر اللي ممكن يصيب الأطفال بسبب الزحمة وتغير الجو.

و هنا كل أم بيكون عندها سؤال:

إزاي تقدر تحافظ على مناعة أولادها قوية طول فترة الدراسة؟

تعالي نعرف مع بعض

أولاً: ليه المناعة بتضعف في فترة المدارس؟

· الاختلاط اليومي: وجود الطفل في فصل مزدحم بيزود فرصة انتقال الفيروسات

· قلة النوم: الأطفال في المدارس بيناموا أقل، وده بيأثر على كفاءة الجهاز المناعي

· التغذية السريعة: الاعتماد على الوجبات الجاهزة أو الحلويات بيقلل مناعة الجسم

· الضغط والتوتر: التغيير في الروتين والابتعاد عن الأهل لأول مرة ممكن يسبب توتر يؤثر على المناعة

ثانيًا: التغذية السليمة – الأساس الحقيقي للمناعة

قبل ما نفكر في الفيتامينات والمكملات، لازم نبدأ من الأكل الصح، لأنه هو اللي بيبني المناعة فعليًا

1. فيتامين C.. سلاح الجسم ضد العدوى

موجود في:

البرتقال، الليمون، الكيوي، الفلفل الألوان

(Cفيتامين من أغنى المصادر الطبيعية) الجوافة

يساعد في تقوية المناعة وتقليل مدة البرد لو الطفل اتعرض له

2. الخضروات والفواكه يوميًا

الخضار الورقي زي السبانخ والبروكلي غني بالحديد والزنك،

أما الفواكه زي التفاح والموز فبتوفر طاقة وفيتامينات مهمة لليوم الدراسي.

3. الأوميجا 3 والدهون المفيدة

موجودة في:

الأسماك (زي السردين والسالمون)

المكسرات

الطحينة وزيت الزيتون

الأوميجا 3 مش بس بتقوي المناعة، كمان بتحسن تركيز الطفل وأداءه في الدراسة

4. قللي السكريات قدر الإمكان

السكر الزائد بيضعف المناعة بشكل مباشر، وبيخلي الجسم أكثر عرضة للعدوى

بدلي الحلويات بـ:

عسل أبيض أو أسود

فواكه مجففة أو زبادي بالعسل

5. البروتين عنصر أساسي

البروتين بيساعد في تكوين الأجسام المضادة داخل الجهاز المناعي

مصادره:

البيض

اللحوم الحمراء والدجاج

العدس والفول كبدائل نباتية

ثالثًا: عادات بسيطة بتفرق في مناعة طفلك

· النوم الكافي: أقل من 8 ساعات نوم بيأثر على مناعة الطفل

· غسيل الإيدين بانتظام قبل الأكل وبعد المدرسة

· شرب مياه كفاية خلال اليوم الدراسي

· النشاط البدني: رياضة خفيفة زي الجري أو اللعب في النادي مرتين أسبوعيًا بتحفز الدورة الدموية وتقوّي المناعة

رابعًا: امتى تروحي للدكتور؟

لو لاحظتي على طفلك:

· خمول مستمر

· فقدان شهية لفترات طويلة

· التهابات متكررة أو نزلات برد مستمرة

فده ممكن يكون نقص في المناعة أو عنصر غذائي معين، وساعتها لازم فحص طبي وتحاليل بسيطة لتقييم الحالة

و فالنهاية لازم تعرفي امناعة الطفل مش بتتبني في يوم، لكنها نتيجة نظام حياة متوازن

نوم كفاية + تغذية صح + حركة ونشاط + متابعة طبية مستمرة.

اهتمامك النهارده هو اللي هيحميه بكرة